المقالات

الشاعر سيف علي يكول اصدك بيك من تغرب الدخان ولمن تجي بچفك شايل الناعور .

تنويه: المعلومات والآراء الواردة في هذا المحتوى تمثل رأي مؤلفها ولا تعكس بالضرورة رأي أو سياسة «وكالة نسيم كربلاء الخبرية»

 

بقلم الشاعر : سيف علي

اصدك بيك من ………… تغرب الدخان .
ولمن تجي بچفك ……… شايل الناعور .

انه اليحجيلي سر……….ابذني احفر بير.
لان عندي الحجي..مثل الشرف مستور.

انولدنه بوكت بي حته……الحلم ينباك.
وضيعته الفرح…….حسره بصدرمغدور.

موكلمن يشبكك……….كلت فاعل خير.
يغدر بصاحبه………من يفرغ الشاجور.

ماتوكف دمعته………….شفاگد الشلال.
محدب لمن ودمعه……..عله وجه يفور.

حاضنه البلم………….وندوسه بالرجلين.
وبال مجذاف نطعن….كامنه صدر الهور.

المنجل بيدوحده…….وحنه ظهور هواي.
مدنك راسه بس………عله الزلمه مغروه.

انه بنص الورد…………كاعد صباح الخير.
ترف ماخشنت………خاطر جنح عصفور.

اجي بواهس غصن….بس انته نيتك فاس.
ورد مثل السعف……..من كل كتر مكسور.

مثل صفنه بكبر……..اتحسره عله الطيف.
بنص بولايتي لكن……………احس مهجور.

عشت مثل المشط كل لحظه اغص بشيب.
وعلي جيلاتهم…………تخطف وكول بخور.

حجيهم خشن…….وانه انعم من الكشمير.
اليذاوب ابوحهي………….يخلي بيه فطور.

القطار جنازه بعيون………….اليودع عزاز.
وبشوفه المحطة………….تصيرجنه كبور.

ومثل الحنه يوميه…………..اختنكلي بيد.
وعافيتي بديهم………………وزعوها أنذور.

الملح سوه أمام…………..وكله تحلف بيه.
ومن ذنوبهم ظل…………..يخجل الكافور.

 

اترك رد

أخبار ذات صلة

زر الذهاب إلى الأعلى
آخر الأخبار
خلال اجتماع ثلاثي بالدوحة .. طهران تدعو الأسد والمعارضة “المشروعة” إلى حوار سياسي ! من الشمال والشرق .. “هيئة تحرير الشام” تدخل حمص والجولاني: “دمشق تنتظركم” ! إسرائيل تصفه بتحول دراماتيكي يغير واقع الشرق الأوسط .. “نتانياهو” يستعد لانهيار كامل لنظام الأسد ! من “الدوحة” .. “لافروف” يؤكد دعوة موسكو لحوار بين الحكومة السورية والمعارضة الشرعية “لا الإرهابية” ! عبر “القائم” .. أكثر من 1500 عنصر منسحب من الجيش السوري يدخلون الأراضي العراقية ! بعد انسحاب قوات النظام .. الفصائل المسلحة أصبحت على بعد 10 كلم من “دمشق” ! “الأسد” سيكون جزءًا من الحل السياسي .. “واشنطن” تبلغ بغداد أنها مراقبة عن كثب لعدم تدخلها بالأزمة ال... محذرًا من التطورات السورية .. “حسين” يؤكد عدم سماح العراق بأن يكون جزءًا من الصراع ! تكذيبًا لـ”نيويورك تايمز” .. “بقائي” ينفي إخلاء السفارة الإيرانية في دمشق ! كاشفًا أطراف المؤامرة بسورية .. “العامري” يؤكد عدم صحة بقاء بغداد تترقب “الهجوم خير وسيلة للدفاع” !